இயக்குநர் விஜய் - ஜெயம் ரவி இணையும் 'வனமகன்'

இயக்குநர் விஜய் இயக்கத்தில் ஜெயம் ரவி நடித்து வரும் படத்துக்கு 'வனமகன்' என பெயரிட்டு இருக்கிறார்கள்.

'போகன்' படத்தின் பணிகள் முடிவடைந்தத்தைத் தொடர்ந்து சக்தி செளந்தரராஜன் இயக்கும் 'டிக் டிக் டிக்' மற்றும் இயக்குநர் விஜய் இயக்கத்தில் உருவாகும் படம் என இரண்டிலும் கவனம் செலுத்தி வருகிறார் ஜெயம் ரவி.

விஜய் இயக்கத்தில் உருவாகும் படத்தில் சாயிஷா சைகல் நாயகியாக நடித்து வருகிறார். திரு ஒளிப்பதிவு செய்து வரும் இப்படத்துக்கு ஹாரிஸ் ஜெயராஜ் இசையமைப்பாளராக பணிபுரிந்து வருகிறார். விஜய் தயாரித்து வரும் இப்படத்துக்கு பெயரிடப்படாமலே படத்தின் படப்பிடிப்பு தொடங்கப்பட்டது.

தற்போது இப்படத்துக்கு 'வனமகன்' என பெயரிடப்பட்டு இருப்பதாக படக்குழு அறிவித்துள்ள்ளது. இப்படத்தின் படப்பிடிப்பு தமிழகத்தில் உள்ள அடர்ந்த காடுகளுக்கு உள்ளும், சென்னையில் சில முக்கிய காட்சிகளும் படப்பிடிப்பு நடத்தப்பட்டு இருக்கிறது. 'பேராண்மை' படத்தைத் தொடர்ந்து இப்படத்திலும் பழங்குடி இனத்தவராக நடித்து வருகிறார் ஜெயம் ரவி